يا للي تغزل في بنات المسلمين

­باسواق­ها والا بجهاز التليفون

الناس تكشف للفضاء عام الألفين

وانتم عن اسواق النساء ما تعدون

لا عندكم عهد وذمة ولا دين

وافعالكم دايم تكرر وتخطون

ببيوتكم صرتو سوات المساجين

لجل المهاتف صرتو اشباه مسجون

وصرتو لخو مره اعوان مطيعين

واللي يطيع ابليس عاصٍ وملعون

ولست­ محمد تركم معادين

خافو من اللي امره الكاف والنون

اللي لوجهه يسجدون المصلين

وبقدرته اخرج من الحوت ذا النون

صرتو خلايف با رضنا للشياطين

يا الله عساكم للعمى ما تشوفون

امين قلو يا السواميع أمين

أمين يا مدير الخلايق مع الكون

ويا للي فرقتو عن دروب الميامين

عذابكم وارد عليكم ومضمون

ويا اللي ورى اعراض المسلمين ساعين

بعرضكم لا بد يومٍ تشكون

ولو طالت ايام الدهر دوم وسنين

دينٍ عليكم لو رفضتو تردون

وللي اقوله قد عرفتو ودارين

ولجل المكابر يا النواقص تصرون

مكر الولي ما ينو من يا المولين

بكرا بعذاب الله يا ناس تبلون

بنتك مع اختك والمره والمحاذين

يجي لهم سيفٍ من الناس مسنون

ويقطع كرامتهم ويبقو ذليلين

وهذا جزاكم إن بقيتو تعورون

ويا بنت يا اللي با لهواتف تسلين

قبلك بناتٍ بالمداعب يعدون

اعراضهم راحت بسبت مجانين

اللي على أعراض البني يستبيحون

وحذراك من يومٍ بسلكه تلهين

كم واحدٍ يا بنت بالصوت مزيون

يعطي كلامه بس كلمه بحرفين

وهرجه برشفات العسل دوم مدهون

وبأول كلامه بس حبي وضمين

ثم بعده يأخذ مراده وبالهون

وانتي ترخصين الشرف ثم تبيعين

وبرخص ثمن صاروا لعرضك يبيعون

ثم بعدها يا ينت وش تستفيدين

داسو على عرضك وراسك يوطون

سلعة ردى لا فيه سايم وشارين

صرتي لهم بيرٍ وهم دوم يردون

ترى العقارب بالتبن والثعابين

تلدغ ولا أحدٍ شافها شوف بعيون

كم خفرتن يا بنت ضاعت برقمين

وضيع شرفها مدعي الحب وشجون

وابوك يتعب لجل عنده تربين

وصرتو لراس العود دايم توطون

وأمك تناظر بخلقتك كامل الزين

وانت صبغتي وجهها باسود اللون

ويا بنت عرضك فوق كل الملايين

لا تدنسين العرض يا بنت خليه مصيون

الفحش ما هو للي بالشرع ما شين

ما هو لنا لديار بوشٍ وشارون