يا نايب الفيصل جميل المخابير

الغايب الحاضر بقلوب وصدر

سلام يا نسل الحرار المناعير

يا ابن الملوك الوافيه باع وشبور

سلام يانسل الملوك المشاهير

اللي ترد السيوف بصدرو ونحور

سلام يا نسل السيوف البواتير

اللي بهم طيب العربدوم مذكور

يا مرحبا بفيصل محبه وتقدير

فيصل ولد مشعل به الطيب مخبور

حر ولد حر بعيد المسابير

حبله بوقت لاخير ما هو مقصور

شرّفك ربي بين ها لخلق يامير

امير بالمنصب وبالعلم دكتور

ما يجمع الثنتين صدفة مقادير

ما يجمعه من لا سهر عام وشهور

ويا مرحبا بضيوفنا والجماهير

من فوقهم تنثر رياحين وعطور

نيابةٍ عن هالوجيه المسافير

اقولها للي لفوا ضيوف وحضور

في ملتقى أهل الوفاء صحبة الخير

اللي لهم بالدين آمر ومامور

رجال حسبه تتبع منهج السير

الشرع مشيوبة وبالأمن لهم دور

ينهون عن منكروللخير تنوير

وامرٍ بمعروف وتخويف ونذور

كم ماكر صانو إعراضٍ ولجله مساهير

وكم جنبو جاهل جريمه ومحضور

تحملو كل العنا والمخاطير

برواحهم فادو جل دين مأثور

من سبهم عنده نفاقٍ وتقصير

ومن حبهم عند الولي صار مأجور

كثرو عليهم مسممين الحناجير

اللي يبون الدين ضيعات وفجور

ما دام في حكم آل سعود في خير

ما به وفا لو نكتب الشعر ونزود

بقصيدتي ما ني ترا مادحٍ له

وماني على التزوير يا ناس محدود

ثم بعدها حي الشيوخ الأجله

وحي الوجيه اللي لفت فرد وحشود

وجمهورنا نور الحفل والاهله

هم غاية المحفل وهم كل مقصود

ومن فوقهم ورد المحبه نهله

ولكل من يبذل مع الخير مجهود

وحي المجمع وحي منهم هلن له

ناسٍ رست مثل الجبل دوم بصمود

وجيوبهم لأجل المنافع فداً له

وعيونهم تسهر والأنام بسهود

واللي دعم قل يا أبيض الكف قبله

يلقى جزاه بيوم ناشد ومنشود

والخير ناسه بيننا له جبله

جبلتن بالخير عاقد ومعقود

ناس تحب الخير وأبيض سجله

بيض فعايلهم ولا فيهن السود

بنو لنا قصرٍ وخيمه وفله

ومالٍ من أموال المحبين مرصود

القصد ما جونا لأجل شرب دله

ولا كلام باخر الوقت مسدود

جمعة فرح ما به خطاوي وزله

وما به كلامٍ عند الأخيار منقود

قول الرسول وما يحرَّم وحله

وقول الصحابه وما نقله ابن مسعود

خيل الرياضة والفرح نستغله

ما دامت أنه بيننا اليوم ممدود

لا ينقطع ويزيد بالطين بله

والوقت لو يمضي على العبد مجرود

وكلن لى ما قيل فكره يدله

وما به مطر الابعد برق ور عود

وجعل المطر يسقى الأراض ويبله

وتثمر به أوراق معاطيش وورود

وسيف الكرم كلن شهر به وسله

وسف البخل بكنانته دوم مغمود

هذي بلدنا بالمنافع مطله

وبلاد غيري تربط الدين بقيود

وحنا الشريعة حكمنا ما نمله

ما هي قوانين البشر خط وبنود

عشنا بعز وما عرفنا المذلة

في حكم ناسٍ فيهم الخير موجود

ويا ميرنا قبل الحفل نستهله

نطلب طلب يا معرب الجد وجدود

باسم الشباب اللي حضر حافزن له

ومحد طلبك وعود اليوم مردود

تسمح لنا وأنت الطلب سامعن له

في موقعٍ يبقى لنا دوم معهود

حيثك كريم ومن طلب حاصلن له

جاك الطلب يا راعي الهيل والعود

يحفظك ربي عن صدف كل عله

ونفسك عساك ما ترا الباس والكود

وصلوا على اللي منطقة بالأدله

على نبي للشريعة لها يذود