|
يا لله يامحصي الصغاير وجله |
|
يا واحدٍ بالكون ملجا ومعبود |
|
اللي لوجهه تسجد الخلق كله |
|
ثبت نبي الله على لاحق داؤود |
|
وارسل محمد للملأ رحمةٍ له |
|
وانطق نبيٍ بين الأحضان ممهود |
|
تحيي الأمير اللي لفا في محله |
|
وحنا لبيته نكسب الخير والجود |
|
أميرنا اللي حبنا عادتن له |
|
فيصل بن بندر سلايل ابن سعود |
|
أميرنا اللي حكمته مسندٍ له |
|
حاكم حكيم بصافي الحق مسنود |
|
في منطقة جزل الحكم والأدلة |
|
بكتاب ربه كفه اليوم مشدود |
|
وحنا وراء فيصل ضلالٍ بضله |
|
ميزانه الراجح على الكل به زود |
|
كم عقدةٍ وقت المناشيب حله |
|
وكم فرحةٍ عاده على وجه مضهود |
|
وحي العضيد اللي معه ساندٍ له |
|
نورٍ يلوح بداجي الليل مشهود |
|
عبد العزيز اللي سعدنا رضن له |
|
يا مرحبا به درةٍ وسط عنقود |
|
حرٍ ليا طار بجناحه وفله |
|
ما طار طيرٍ خلفه الحر مهدود |
|
حبه نما بقلوبنا غارسٍ له |
|
مليون حبٍ داخل القلب ماجود
|
|
شجرة ثمر سيل السحايب يبله |
|
لين اثمرت في كل الأركان عنقود |
|
أحفاد شيخٍ عزنا شيمةٍ له |
|
شيخٍ مواريثه لنا أسود وفهود |
|
وحَّدنا أخو نوره على خير مله |
|
وحنا لخو نوره صناديد وجنود |
|
يعل قبرن يسكنه يالعله |
|
جنة عدن يبقى بها دوم مخلود |
|
ياميرنا كثر القصايد وقلّه |
|
ما به وفا لو نكتب الشعر ونزود |
|
بقصيدتي ما ني ترا مادحٍ له |
|
وماني على التزوير يا ناس محدود |
|
ثم بعدها حي الشيوخ الأجله |
|
وحي الوجيه اللي لفت فرد وحشود |
|
وجمهورنا نور الحفل والاهله |
|
هم غاية المحفل وهم كل مقصود |
|
ومن فوقهم ورد المحبه نهله |
|
ولكل من يبذل مع الخير مجهود |
|
وحي المجمع وحي منهم هلن له |
|
ناسٍ رست مثل الجبل دوم بصمود |
|
وجيوبهم لأجل المنافع فداً له |
|
وعيونهم تسهر والأنام بسهود |
|
واللي دعم قل يا أبيض الكف قبله |
|
يلقى جزاه بيوم ناشد ومنشود |
|
والخير ناسه بيننا له جبله |
|
جبلتن بالخير عاقد ومعقود |
|
ناس تحب الخير وأبيض سجله |
|
بيض فعايلهم ولا فيهن السود |
|
بنو لنا قصرٍ وخيمه وفله |
|
ومالٍ من أموال المحبين مرصود |
|
القصد ما جونا لأجل شرب دله |
|
ولا كلام باخر الوقت مسدود |
|
جمعة فرح ما به خطاوي وزله |
|
وما به كلامٍ عند الأخيار منقود |
|
قول الرسول وما يحرَّم وحله |
|
وقول الصحابه وما نقله ابن مسعود |
|
خيل الرياضة والفرح نستغله |
|
ما دامت أنه بيننا اليوم ممدود |
|
لا ينقطع ويزيد بالطين بله |
|
والوقت لو يمضي على العبد مجرود |
|
وكلن لى ما قيل فكره يدله |
|
وما به مطر الابعد برق ور عود |
|
وجعل المطر يسقى الأراض ويبله |
|
وتثمر به أوراق معاطيش وورود |
|
وسيف الكرم كلن شهر به وسله |
|
وسف البخل بكنانته دوم مغمود |
|
هذي بلدنا بالمنافع مطله |
|
وبلاد غيري تربط الدين بقيود |
|
وحنا الشريعة حكمنا ما نمله |
|
ما هي قوانين البشر خط وبنود |
|
عشنا بعز وما عرفنا المذلة |
|
في حكم ناسٍ فيهم الخير موجود |
|
ويا ميرنا قبل الحفل نستهله |
|
نطلب طلب يا معرب الجد وجدود |
|
باسم الشباب اللي حضر حافزن له |
|
ومحد طلبك وعود اليوم مردود |
|
تسمح لنا وأنت الطلب سامعن له |
|
في موقعٍ يبقى لنا دوم معهود |
|
حيثك كريم ومن طلب حاصلن له |
|
جاك الطلب يا راعي الهيل والعود |
|
يحفظك ربي عن صدف كل عله |
|
ونفسك عساك ما ترا الباس والكود |
|
وصلوا على اللي منطقة بالأدله |
|
على نبي للشريعة لها يذود |
طباعة
إرسال لصديق
جاري إرسال الرسالة ..
