يا مملكة دمتي على العز والجود

ي­ا حظ من صرتي­ بهلوفت داره

ما دام حكامك من نسل آل سعود

فانتي سنام المجد وأنتي ازدهاره

أنجال من خلَف لنا أسود وفهود

اللي لهم منا احترام ووقاره

معربينٍ بالحسب ساس وجدود

أولاد من قادوا على الشرك غاره

عبد العزيز اللي احتواء قبره العود

اللي مشى بقول الرسول ومساره

حكم الشريعة لا قوانين وبنود

وسنة نبي الله غدت مستشاره

ولك يا وطن حنا صناديد وجنود

وارواحنا فدوه ولا هي خساره

ومن البحر لين البحر حد وحدود

من داس شبرٍ يحتمل به وزاره

يا مملكة حنا طرف منك وعضود

وحنا السواعد لشتعل فيك ناره

الشعب في عز اطيب العيش محسود

وحكم الشريعة عزته وازدهاره

حكامنا ماخلو الشعب مضهود

ما فيهم اللي ذاق كأس المراره

وعندي على هذا براهين وشهود

في كل وقتٍ فاتحين الإماره

حتى الصغير اللي بالأحضان ممهود

يا خذكما العود الكبير اعتباره

واللي يجي طيبه وللبيت مقصود

مليكنا في خدمته وانتظاره

والجار ما يشكي من الضيم ولكود

نعرف حقوق الجار في حق جاره

والأمن في دار الحرمين مولود

واليوم أخذنا بالشهادة احتكاره

دام الحرم في ديرت العز موجود

والسيف ما بين عليه اندثاره

وشرع الله اللي بامره الخير معقود

وحكم على الجني يصدَر قراره

والله ما فينا مع الوقت منقود

دام المساجد تعتليها المناره

والهرج لو جانا ترا طيبنا يزود

مثل الرمل شيله يزيد انتشاره

والحقد وارد الغلط دوم مردود

على الذي زود علينا العباره

وحنا الإرهابي نعرفه شخص نمرود

جانا بدينٍ ما خذه باستعاره

جانا ولكن حصل الدرب مسدود

دونه رجالٍ باشرت باندحاره

في ظل من شال المهند وباروده

وقال اعدموهم يالرجال بشطاره

الجيش جاهز والأمن قرد وحشود

تحت الطلب رهن الأمر والإشاره

والشعب جاهز في مواثيق وعهود

يوم الملك يأمر ويصدر قراره

الكل منا عنده الخوف مفقود

عن الشريعة والوطن كالشراره

يا مملكة دمتي رغم كل مقرود

أرض العبادة والثراء والحضاره

والقدر بالهمه والأموال ممدود

سبت ثبوته والبقاء وانتصاره

ونطلبك يا رب السما وأنت معبود

تحمي وطنا ومن سكن في جوره

وعلى النبي اعداد صيَّام وسجود

صلوا على محمد نبي البشاره