يا الله يا محيي معاطيش الأعشاب

برش المطر من فو­ق سود المخاييل

تشفي قلوب بالمرض دوم تنصاب

وتحتاج له كل الأحوال تعديل

بعض العلل يمكن تداوي بالأعشاب

وبعض العلل ما تنكشف بالتحاليل

يقول أبو سليمان الزمن فيه الأغراب

وفيه العجايب للخلايق مذاهيل

وأنا يا أبو مزيد للأمثال صباب

صب الرصاص اللي وزونه مثاقيل

وانشدك عن جيلٍ به العيب مقضاب

وبي جوابك تشرحه شرح تطويل

ببيات شعرٍ تقطع الروس ورقاب

موجهه لليخطاهم محاطيل

يأهل العقول اللي توصف بالألباب

وش رايكم بأهل الشعر والبناطيل

لباست القبوع بالرأس والكاب

لا هم أناثي لا ولا هم رجاجيل

ما بقي إلا ابليس البشت وحجاب

وبرقابهم توضع قلوب وسلاسيل

وصار وبتقليد النصارى والأجناب

عشرة على عشرة بكل التفاصيل

يمشون بالموضة ورشات الأطياب

ونوع العطر يحتاج له دوم تبديل

وشك الفنيلة بالأزره وسحاب

ملبوسه الكاب الحمر والتكاميل

بيناتهم كلٍ يبي يصير جذاب

مثل العذارى في جميع المراحيل

وأنا على ما قلت ما نيب كذاب

واشهد على ما قلت والصدق ما قيل

بالطامري شفهم على أيمن الباب

والا على ربع بوسطه مجاويل

وبجلست الصفراء يجونك بجلباب

بثوبٍ عريب اللون وأيضاً التفاصيل

متجملين أبدله الغرب وثياب

وكلٍ بشعره منشغل فيه تعديل

يوم بد يوم يشيلون الأشناب

اخسو خسيتو معقبين الفناجيل

يا للي تربيكم سبيلات الأذناب

شغالةٍ بالبيت عند المعاميل

هي السبب وكل شي له أسباب

ما جت لنا بغير الشقى والغرابيل

وين الرجال اللي يحسب له حساب

صارت خلايفهم رخوم ودعابيل

وين الحريم اللي على الفعل تنثاب

اللي على السجاد فعله تهاليل

عيالهم صاروا عن الدين جناب

بسباب من قلبه غشته التغافيل

هم ما درو أن القبر فرشه ترابه

ولا به أنوار وكل ما به بهاذيل

غير العمل لصار طيب وما خاب

عز الله إنك قد جنيت المحاصيل

وعداد ما بان البرد يوم ثم غاب

صلوا على الهادي أخير المراسيل