يا عبيد عيني جفاه النوم

واللي بها اليوم­ كافيها

مما جرى من شباب اليوم

اللي بها العيب كاسيها

ضاعت تقاليدنا والسلوم

والمرجلة راح طاريها

يا عبيد انا اسمع صفير البوم

دلاً يفزع حراريها

الحر يعرض ولا له سوم

والبوم يا كثر شاريها

ناسٍ عددها يجي بالكوم

رجالٍ نشبه بناثيها

الثوم حطه بدون كموم

وقصة شعر دوم يواسيها

صبغ وشدو بالوجن مرسوم

وحتى الخواتم باياديها

وخلى الشنب منبته معدوم

ورسوم الرجولة مخفيها

بيت الشرف عندهم مهدوم

وبيت الخرايب مبنيها

صورت رجل محتمي بهدوم

وبسم الأناني تناديها

والمرجلة باباها مردوم

يفز لا قمت تطريها

يا عبيد جهزّ حبر وختوم

ودي نختم علابيها

والا نبهر عليها الثوم

ونعلق الحلقه بأذانيها

لا ينقل العدوى كما الجرثوم

ويبلى الله ناسٍ معافيها

حط المطهر على الكركوم

وفتح وصبه بثاميها

لينه يسورب مع البلعوم

ويزول ما كان عاريها

وكأنه هرج هرجة الملطوم

ما ينفهم وش معانيها

يا رب يا للي فرضت الصوم

إنك تعدل مماشيها

والا تذيقه من المسموم

ويفارق الدنيا ويقفيها

يا عبيد أرمة بدون أسهوم

واحذر تراحم وتخطيها

ببيات شعرٍ من المنظوم

يا عبيد واجبكء توذيها