يقول من شاف المصايب بعينه

شوف القمر في مدمسات الليا­لي

مصايبٍ ولد الحمايل يدينه

اللي تربى وسط بيت الرجالي

وبيحت عن خافي خفاياً كنينه

وسطرت ما يملي على الطرس بالي

وجاوبت ما يمليه جيمٍ وسينه

عن واقع اللي يدعون الكمالي

ضعاف النفوس أهل العلوم المهنية

أهل الردى والعيب وأهل الخمالي

اللي يصفون الشعر بالمكينة

واللي يزيدون الكعب بالنعالي

أهل الجنوز الضيقات الثمينة

لباست القبّوع لو كان غالي

اللي يقصون الشعر قص زينه

ويميّلون الكاب جهت الشمالي

عيال الحريم ثقال دمٍ وطينه

ما عندهم غير الحي بالجمالي

كلٍ نسى سلمه وطبعه ودينه

حب الحرام وكره درب الحلالي

وكم واحدٍ يلقى معينٍ يعينه

ناسٍ تبي قربه كلابٍ همالي

وكم واحدٍ صادوه بليا كمينه

وأصبح بخدمتهم يذوق الذلالي

داسو على رأسه وكلٍ يهينه

وحطو على ظهره خروج الزمالي

إن جيت له بالفرق بينك وبينه

فرق الثرى عن لمس حجم الهلالي

والمشكلة إنه ما تعدى سنينه

عشرين عام أو ما وصلها احتمالي

عشرين عامٍ ما تعدى المدينة

ولا دوًر الفنجال بين الدلالي

لا جاء الصداوي لا ولا ابيار لينه

ولا ورّد الهدّاج بذيك الليالي

وإن ناظرو عدوك مثل الدفينه

كنك غريب أو فيك خصلة هبالي

يومك لبست الثوب هذي غبينه

وإلا لبست شماغ تحت العقالي

يا جنس ثالث يالكبوش السمينة

يا مسبلين العرض بأول وتالي

مثل الغنم كلٍ يريد البطينة

وكلٍ عليكم داس تحت النعالي

أنتم يسار الكف منتم يمينه

عن ذكركم يكرم جواب وسؤالي

أشنابكم لو ما طلعت حالقينه

وأعراضكم تشري بربع الريالي

والكل منكم لو يمكيج جبينه

منديل فاين دوم باللمس بالي

وذكوركم ويا النساء خالطينه

اللبس واحد والمراجل شمالي