|
يا للي شعر رأسك على الكتف عشعش |
|
وكنه بنا في عالي الرأس عشه |
|
وقض الكبريا بأسفل الرأس عرمش |
|
حلاق ترك قص رأسك وحشه |
|
وحط الكريم اللي على الخدينعش |
|
على الأوجان اللي مع اللمس هشه |
|
جاله وهو ما هو نظيف مرموش |
|
ثم سمكر خدوده ولّمع ورشه |
|
من عقب وجهن يوم يدخل مفلش |
|
ناقص خشم وسنون واطراف خشه |
|
واصبح كما خوخٍ بسله ومشمش |
|
ودك بعشر كفوف وخمسٍ تقشه |
|
فوق الكريسي قد تبختر وفشفش |
|
لوا حلى من قام بالبوز لشه |
|
لين الضروس اللي على الفك تنقش |
|
وفش الخدود اللي به الورم فشه |
|
وحلاقه التركي تمكيج ونقش |
|
وبمية ريالٍ يحاس وغشه |
|
وبعطر باريس النسائي ترشرش |
|
على متن جيده وخده يرشه |
|
كنه عروسٍ تلبس اليوم رشرش |
|
عريسها من بعد ساعة يدشة |
|
وصر الثويب اللي على بيضه البش |
|
اليامشى كنه مشي فرخ بشه |
|
ما غير وركٍ يومي بالمشي ويهش |
|
ضاقت به ثيابه وخطر يطشه |
|
لا شاف رجالٍ تنحاه ثم كش |
|
كشة جعل كش بثلاثين كشه |
|
وخطرٍ عليه من الهواء اليوم يمخش |
|
لياجاء الهواء جاله على البيت خشه |
|
يا ليت من كسّر له عظيمه الهش |
|
والا رماه بنار مدفع وطشه |
طباعة
إرسال لصديق
جاري إرسال الرسالة ..
